Hozanê kurdan Beytocanî 12ê êlule de  paytextê Swêdî Stockholm de kanserî ra dinyaya xo bedilnaye.Têgêrayîşê kulturî TEV-ÇAND Ewropa bi sernameyê “Agir ket dilê me”  semedê  hozan Beytocanî keyeyê ci û şarê kurdî rê serweşîye waşte.

Mesajê serweşîye de nê ameyî vatene: Humermendê ma Beytocano ke herra xo rê zaf giredeya bi; bi esaranê xo xorîyîya tarîxî ra nê rojan rê bi pird, her kuçeyê amedî de deyîrê ci yenê cinayene, vengo rêcifnaye yê şarê kurdî, bi cuye û vindertişê xo bi waştîyê her kesî; Qismêkê cuyeya ci mîyanê îşkence, surgun û neçarîye ravîyart la helêke zî welat, şar û ercanê xo ranêqilya, dinyaya xo bedilnaye.

Ma sere de keyeyê ci, hunermendanê kurdan û şarê xo rê serweşîye wazenê! Ma soz danê ke ma do tim Beytocanî yad bikerê, hunerê ci aver berê ke waştişê ci yê welatê azadî bîyarî ca.