TEV-ÇAND Ewropa seba serrgêra şehadetê Hozan Serhedî eşkerayîyêke daye. Eşkerayîye TEV-ÇANDî wina ya:
''Serhedê hunermend, şorişgêr û afernayoxî zerrîya xo berde koyanê welatê xo û bi parçeyê alaya dewaya Sefkan, Mizgîne, Sarya û şorişgêran.

Êyê ke seba azadîye kewenê rayîrî, xo pê zanist û fikranê şorişî perwerde kenê. Ê tesîrê fikr û hîsanê şarî kenê. Şar wina Hozanî ra hes kerdêne û wayîrê ci vejîyayêne. Hozan Serhed pê zanayîşê na raştîye kewt rayîr. Ey zulm û kulê şarê kurdî hol zanayêne. Heman wextî de ey hol zanayêne ke senî dejê şarî kêm bikero.

Çunke Hozan Serhed xo pê fikranê têkoşînê azadîye perwerde kerdbi. Hozan Serhed deyîrbazêkî ra zêdêr hunermendêko zanaye û perwerê deyîr û awazanê şarî bi. Pê xebat û karê xo, rayîrê afernayîşê hunerê raştikênî mojna. 

Xora Hozan Serhed deyîranê xo de na raştîye hol arde ziwan. Deyîranê ey de zî kifş beno ke ey wesifê gerîlayan, çêrî, şehîd û erjê şorişî hol ercnayî. Serhedo hunermend beno ke nika tîya de nîyo la tim pê deyîr, xebat û vengê xo gandar o. Ma pê rêzdarî û heskerdişî ey yad kenê. Kesaeytê Şehîd Serhedî de ma pêro hunermendanê şehîdan yad kenê. Ê bîyî wijdanêkê komelî. Ê bêmerg ê. Ê do her tim ma hetî de bibê.''