Tirbesipîyê de seba domanan xebatê kultur û hunerî

Tirbesipîyê de ke tede bawerî û şarê cîyayî ciwîyenê di merkezanê kultur û huneran seba ke domanan teşwîqê kultur û hunerî bikerê zaf bernameyê perwerdeyî organîze kerdî.

Tirbesipîyê de ke tede bawerî û şarê cîyayî ciwîyenê Merkezê Kultur û Hunerî yê Hêzilî û Şehîd Sasûnî kenê ke domanî warê kultur û hunerî de xo aver berê. Na çarçewe de nê merkezan zaf bernameyê kultur û hunerî organîze kerdî. Nika merkez de 68 wendekerî perwerdeyê tîyatroyî, muzîkî û folklorî vînenê.

Merkezê Kultur û Hunerî yê Hêzilî seba 30 domanan bernameyê perwerdeyê tîyato, muzîk û hunerî organîze kerdî. Îdarekara merkezî Bêrîvan Silo vat: "Ma kenê ke domanê ma warê kultur û hunerî de xo aver berê. Ge ge ma şinê keyeyan zîyaret kenê. Ma merkezê xo danê şinasnayîş û domanan teşwîq kenê."

Merkezê Kultur û Hunerî yê Şehîd Sasûnî zî bajarekê Maşûqî yê Tirbesipîyê de yo û tede 38 wendekarî perwerdeyê ûdî, gîtarî û defî gênê. Nika merkez de amadekarîye yena kerdene ke bernameyêkê perwerdeyî bêro destpêkerdene. Îdarekarê merkezî Kajîne Hisênî vat: "Ma pêro domanê ke yenê merkezê ma qebul kenê. Ma seba domanan hacetanê muzîkî zî peyda kenê." Wendekarê merkezî Meys Osêyî zî vat: "Sayê perwerdeyê merkezî ma xo zaf aver berd."