Tîyatroyê Şaristanî yê Amedî bernameyê teşrîna menga kanûne pare kerd. Tîyaro menga kanûne de do Îstanbul, Êlih û Amedî de sehne bigêro. Tîyatroyê Şaristanî yê Amedî 6-7-13-14-27-28ê kanûne de saete 19:00î de kayê ''Xewna Şevekê Havîne'' do kay biko. Kayê domanan ''Pîre û Rovî'' zî 15-29ê kanûne de saete 12:00î de Tîyatroyê Şaristanê Amedî de do bêro kaykerdene.

Kaykerdoxê  Tîyatroyê Şaristanê Amedî 15 û 22ê kanûne de Îstanbulî de do bivejîyê sehneyî ser. Kaykerdoxî bi kayê ''Jeanne d'Arc'ın Öteki Ölümü'' (Mergo Bîn ê Jeanne d'Arce) Qezaya Şîşlîyî yê Îstanbulî de Tîyatro MASKî de tarîxê 22ê kanûne û saete 20:00î de do sehne bigêrê. Kaykerdoxî reyna bi kayê ''Serbaz''î tarîxê 20-21ê kanûne û saete 19:30î de Êlihî de Yeni Sahneyî de do seyrkerdoxan reyde bêrê têhet.