Tîyatroyê Bajarî yê Amedî yo ke hetê kaybazanê Tîyatroyê Bajarî yo ke dimayê Şaredarîya Bajarê Girdî ya Amedî (DBB) rê qeyûm ame tayînkerdene amebi girewtene ronîya, xebatanê xo domneno. Tîyatroyê Bajarî yê Amedî ke heta nika xeylî tîyatrokarî perwerde kerdî, do seba domanan dersanê drama û seba pîlan zî dersanê tîyatroyî bido.

Ame zanayene ke xeylî kesan heta nika seba komxebata drama û komxebata tîyatroyî muracat kerdo. Do endamanê kursan rê hewte ra 6 saetî perwerde bêro dayene. 4 saetî do dersê kaybazî û kaybazîya bingeyêne, 2 saetî zî tarîxê tîyatroyî û tehlîlkerdişê kaye bêrê dayene. 

‘MURACATÎ NIKA RA RESAYÊ SEWÎYEYA BESE’

Rejîsorê Tîyatroyê Bajarî yê Amedî Nazim Hîkmet Çalişkanî vat bi atolyeya drama wazenê ke domanî nê formatî nas bikerê; bi dersanê tîyatroyî zî wazenê ke pîlî hendî qismê sehneyî ravêrnê qismê metbexî yên ê karî nas bikerê. Çalişkanî vat nika muracatî resayê sewîyeyêka bese û vat peynîya menga pancine ya atolyeyanê tîyatroyî û drama bi beşdaran do kayêk pêşkêş bikerê.