Torra Ziwan û Kulturî ya Kurdan do seba Musa Antero ke 28 serrî verê cû hetê JÎTEMî ra amebi qetilkerdene panelê bi nameyê 'Têkoşêrêk, rojnamegerêk û babîyêk' serûber bikero.

Panel 21ê êlule de medyaya komelkîye ya sey twitter, facebook, youtube ûsn. saete 21.00 de do bêro weşanayene. Panel de do lajê Musa Anterî Anter Anter qisey bikero û rojnamegere Hatîce Kamer zî moderatorîye bikera. 

Sekreteryaya Torra Ziwan û Kulturî ya Kurdan ra Bawer Berşevî îfade kerd ke ê do bi nê panelî Musa Anter reyna yad bikerê. Berşevî îfade kerd ke Anter seba kurdan pêro waran de têkoşîn kerd, bîyo şahîdê zulmanê dewlete. 

Berşevî vat: ''Kurdî do Apê Musa xo vîrî ra nêkerê ke ey seba înan xeylêk bedelî dayê. Apê Musa seba kesêko mîsal o û ganî ma rêçê ey ser o şorê.''