Unîversîteya Bîelefeldî de konferansê Kurdkî ame viraştene
Bi wesîleya 21'ê Sibate Roja Ziwanê Dayîke ya Dinya, akademîsyenanê Kurdan serê rewşa Kurdî de Almanya de konferansêk viraşt.
Unîversîteya Bîelefeldî yê Almanya de bi wesîleya 21'ê Sibate Roja Ziwanê Dayîke ya Dinya de konferansê Kurdkî ame viraştene.
Konferans hetê Kurd-Akadî ra ame organîzekerdene û vizêrî Unîversîteya Bîelefeldî de ame viraştene.
Enstîtuyê Kurdî yê Almanya û Yewîtîya Mamosteyanê Kurdistanî yê Ewropa paştdayîş da konferansî. Bi nameyê komîteye amadekarî Dersîm Dagdevîrene, Fevzî Ozmen û Abdulqadîr Ûlûmaskanî konferansî de qisey kerd.
Dagdevîrene ard ziwan ke zaf ziwanî binê tehlukeyê vindîbîyayîşî de yê û vat, “Kurdkî zî ziwano ke sînorê tehlukeyê vindîbîyayîşî de yo ra yew o.”
Ûlûmaskanî zî vat, “Ez hêvîdar a ke no konferansê ma bibo hetkarê nêtîcegirewtiş û rayîrgirewtişî.”
Pedagog Hacîre Gençe, Prof. Dr. Abdulrahman Gulbeyaz, mamosteyê Kurdî Xiyaseddîn Zaroj Stêr, Kurdolog Dr. Luqman Guldive, Mamosta Ronî Stêrk, Parlamentera Partîya Çeqeran a Eyaletê NRW'î Berîvan Aymaze qiseykerdoxê konferansî bîyî.
