Merkezê Kombîyayîşê Cinîyan ê UTAMARA mabênê 21 û 23yê teşrîna verêne de bi şîarê ''Ma bi kulturê xo nasnameyê xo bişinasnê''  kampa perwerdeyê govende ya hîrê rojan serûber kerde. 15 kesî beşdarê kampe bîyî.

Şagirtê govende û mamostayî şaristananê Duisburg, Hagen û Kolnî ra tewrê kampanya bîyî. Govende reyde aktîvîteyê cîyayî zî ameyî kerdene. Koma ke bi sporî dest pê bernameyê xo yê rojane kerd govenda herêmanê Botan û Gimgimî musaye.

Kampe de  xoza, sîname û kulturî ser o nîqaşî zî ameyî kerdene.

Beşdaran ra Xezale Ertaş (32) dîyar kerd ke ê binê sîwana TEV-ÇANDî de karanê govende kenê û vat: ''Ma armanc kenê ke Ewropa de zî wayîrê kulturê xo vejîyê û jenerasyonê neweyî rê kulturê xo bimusnê. Govende têna yew fîgur, dans nîya, nîşaneya kultur û cografyaya ma ya.

Serranê cîyayan ra kesî tewrê kampa ma bîyî. Ma perwerde da domanan zî ciwanan zî. Ma verî zî kampê winasênî Nordrhein Westfalenî de kerdbî. Ma bi taybetî giranîye daye perwerdeyê domanan ser. Ma deyîrî vatî, estanikî vatî, seba cinîyan semîner da. Bi nê hawayî ma pîya çend rojî derbaz kerd.''