Weşanxaneyê Meymanî bi 5 kitabanê neweyan û rêzê romanî 'Azadî Do Ser Bikewa' yê Rayberê Şarê Kurdî Abdullah Ocalanî xo seba Festîvala Kulturê Kurdan a Frankfurtî ya 32ine amade keno.

Edîtoranê Weşanxaneyê Meymanî ra Huseyîn Artosî derheqê amadekarîyanê xo yê festîvale de ANFyî rê qisey kerd.

Artosî ard ziwan ke festîvale seba şarê kurdî nîşaneyêka polîtîke ya têkoşînê azadîye yo û vat: ''Vilabîyayîşê îmkananê teknolojîkan ra hinî zaf çew kitaban nêwaneno. Standanê ma de serê sibayî ra heta şanî têgêrayîşêk est o ke bamabên dewam keno. Festîvale de kitabê bi pêro zaravayanê kurdkî, kitabê erebkî, tirkî, farskî û ziwananê bînan do stanê ma de est bê.

Emser ma panc kitabê neweyî çap kerdî. Nînan ra yew zî kitabê 'Azadîye Do Ser Bikewa' yo. No kitab rêzê romanî yo  û qalê Rayber Apoyî keno. Ancî bi hemkarîya Newaya Jin di kitabê cinîyan ameyî amadekerdene.

Festîvale de nuştoxê ma Sefkan Kobanê, Hatip Dicle, Aslı Erdoğan, Ali Baran, Kadir Amaç, Gülseren Aksu, Ayhan Demir, Eylem Kahraman, Faruk Sakık, Fuat Kav, İkram Balekanî, Kemal Aktaş, Gulistan Kanîreş, Fîraz Baran, Gulgeş Deryaspî, İmam Canpolat, Bermal Çem, Aziz Tunç, Sara Aktaş, Ömer Güneş, Şemsettin Özer, Osman Kapan û Ahmet Taş amade bibê û kitabanê xo îmza bikerê.''