Weşanxaneyê Vateyî yo ke semedê ziwanê Kirmanckî xebatanê erjayeyan keno, semedê wendaxonê xo demê peyênî de di kibabê bînî bi Kirmanckî çap kerdî.

Kitabê ke hetê Vateyî ra newe ameyî weşanayêne wina yê:

“Bîyîşa Pêxemberî ya OSMAN ESAD EFENDÎ û Destpêkê Edebîyatê Klasîk yê Kirmanckî”. Nûştoxê kitabî Ahmed Kirkan o. Na xebate de eserê zanayo Sêwregij Osman Esad Efendîyê Babijî yê bi nameyê „Bîyîşa Pêxemberî“ ser o xebate ameya kerdene. Eser bi hawayêkê menzûmî ameyo nûştene û derheqê bîyayîşê Pêxemberî de yo.

Kitabo dîyin zî çapa dîyine ya kitabê hîkayeyan ê nûştox Munzur Çemî yê bi nameyê “Hewnê Newroze” yo. Çapa yewine ya nê kitabî serra 2005 de reyna hetê Weşanxaneyê Vateyî ra amebi weşanayene.