Weşanxaneyê Vateyî ra kitabêko newe yê Îhsan Esparî
Weşanxaneyê Vateyî ke bitaybetî kirmanckî ser o xebetîyeno û heta nika xeylêk kitabî û bi desan hûmarê kovara Vateyî çap kerdî nika zî kitabêko newe yê şaîr û nûştoxê kirmanckî Îhsan Esparî vet.
Şaîr û nûştoxê kirmanckî Îhsan Esparo ke destpêkê Grûba Xebate ya Vateyî ra heta ewro xebatanê standardîzasyonê kirmanckî (zazakî) de zî ca girewto kitabêko newe vet.
Kitabo newe yê bi nameyê Berîyê Birîsimênî de Pêro şîîrê J. Îhsan Esparî yê ke weşanayîyaybî yê neweyan reyde yew kitabî de sey komşîîran ameyî çapkerdene.
Çend kitabê bînî yê Îhsan Esparî yê ke cuwaver ameyê weşanayene nê yê: Rengê Şewe Zerrîya Mi De, Tanî Estanikî û Deyîrê Ma, Beyi Se Bena?, Dilopê Zerrî, Sanikeka Heskerdişî.
Kitabê ke Îhsan Esparî açarnayî: Dêrê Santa Ragnhild De - Hesenê Metê (kurmanckî ra), Robinson Crusoe - Daniel Defeo (swêdkî ra)
