Komîteya Xelata Cemal Nebezî ya Berlinî pare kerd ke xelata yewine layîqa mamostaya kurdkî Zara Muhammedî ameya dîyene.

Komîte 7 kurdîstanijan ra yena pê. Waya Zara Kanîye Muhammedî xelate nameyê aye ser o girewte. Komîte da zanayene ke Zara seba ke mamostaya kurdkî bîya hetê rejîmê Îranî ra tepişîyaya û raştê îşkenceyan ameya. Komîte vat: ''Zara Muhammedî rixmê tedayanê Îranî seba kurdkî rolêko girîng kay kerd. Sey komîte ma kêfweş û sereberz ê ke na xelate pêşkêşê aye kenê.

Endama Komîsyonê Kultur û Komelî yê Komeleya Nûjîne Zara Muhammedî sibata 2020î de seba ke kurdkî musnena cezaya zîndanî ya 5 serran dîyabî ci. Zara sibata 2023yî de vera dîyabî.