Xelatê Oscarî yê 92. bi merasîmêk ameyî dayene. Merasîm de fîlmê Parazîtî (Parasite) ê Koreya Başûre 4 beşan de xelatî girewtî. Fîlmê Jokerî zî 11 beşan de seba xelatanê Oscarî sey namzet ame mojnayene.

Fîlmê Parazîtî kategorîyanê ''Fîlmo Tewr Baş'', ''Îdarekaro Tewr Baş'', ''Fîlmo Tewr Baş ê Mîyanneteweyî'' û ''Senaryoyo Orjînal ê Tewr Baş'' de xelatî girewtî.

Renee Zellweger bi performansê xo yê fîlmê 'Judy' bîye kaykerdoxa tewr başe.  Joaquîn Phoenîxî
zî bi performansê xo yê fîlmê Jokerî bi kaykerdoxê tewr başî.

Xelata Kaykerdoxa Cinîye ya Hetkare zî Laura Dern û xelata Kaykerdoxê Camêrdî yê Hetkarî zî Brad Pîtt girewte.

Wayîrê Xelatan

Fîlmo tewr baş: Parasite (Neon)

Kaykerdoxa tewr başe: Renee Zellweger (Judy)

Kaykerdoxo tewr baş: Joaquin Phoenix (Joker)

Îdarekaro tewr baş: Bong Joon Ho (Parasite)

Deyîra orjînale ya tewr başe: “(I’m Gonna) Love Me Again” Rocketman (Elton John û Bernie Taupin)

Muzîkê fîlmî yo tewr baş: Joker (Hildur Gunadóttir)

Fîlmo neteweyî yê tewr baş: Parazit

Kaykerdoxo hetkar ê tewr baş: Brad Pitt, Once Upon a Time in Hollywood

Kaykeroxa hetkare ya tewr başe: Laura Dern, Marriage Story

Senaryoyo orjînal ê tewr baş: Bong Joon Ho ve Han Jin Won (Parazit)