2023 seba Kobanê bîye serra hunerî. Koma Tîyatroyî ya Yekta karanê atolye ra heta bi tîyatroyî xeylêk aktîvîteyê kulturî kerdî. Koma Tîyatroyî ya Yekta 2023 de 8 kayê tîyatroyî kay kerdî.

Kobanê de her serre Festîvala Tîyatroyî ya Arîne Mîrkan yena serûberkerdene û Minbic, Reqa û Tebqa ra zî xeylêk komî tewrê na festîvale benê.

Endamê Tîyatroyê Koyî yê Akademîya Hunerî ya Şehîd Sefqanî Harûn Hêvîyî pare kerd ke tîyatro şar û hunerî ano yewca û vat: ''2023 de atolyeyanê ma de 25 kesan perwerdeyê tîyatroyî dî. Şarê Kobanê eleqêyêkê pîlî mojneno tîyatroyî.''

Harûn Hêvîyî da zanayene ke ê do karanê xo yê kultur û hunerî hîna hîra bikerê û vat: ''Se ra 25ê komelê ma doman ê. Seba ke neslê neweyî bi hawayêkê raştî bêrê perwerdekerdene ma rê huner lazim o. Seba ke domanan perwerde bikerê, tîyatroyî rê teşwîq bikerê û tîyatroyî biresnê şarê xo ma teyna sehneyan de ney meydanan de zî kayanê xo do bimojnê.''