Kulturê dengbêjan herêmanê cîya-cîyayan ra heta roja ma ya ewroyî ameyo. Dengbêjî Kurdistan de kultur û ziwanê xo bi no qeyde pawitî û heta ewro ardî. Dengbêjîye raybazê îfadekerdişê dej, kêfweşî û sewbîna yo. Gerîla Mordem Maku zî hewl dano nê kulturî koyan de bido cuyayene. Gerîla Maku herêma Dambatî ya ke girêdayeyê bajarê Maku yê Rojhelatî ra yo.

Makuyî da zanayene ke keyeyê ci de dengbêjî çin î, labelê ê dengbêjan goşdarî kerdênê. Makuyî qiseykerdişê xo wina domna: “Herêma ma cayêko koyin û kulturî yo. Seba ke nizdîyê sînorî yo, Vakur reyde yewbînan ra cîya bîyî. Ronîyayîşê sînoran ra ver, ma girêdayeyê eyaletê Serhedî bî. Bitaybetî ma dengbêj Şakiro goşdarî kerdêne. Zafane extîyaran goşdarî kerdêne. Labelê ganî merdim kulturê xo bizano û girêdayeyê ci bimano.”

GANÎ MA KULTURÊ XO BIPAWÎ

Makuyî va ‘kurdan de dengbêjî zaf î’ û wina domna: “Herêmê Botan û Serhedî hertim yewbînan ra cîya bîyî. Qirika her herême de tayê cîyayî estî. Hertim waştî nê kulturî çin bikerî. Ewro xeylê embazê ke wazenî nê kulturî bipawî estî. Ma embazanê şehîd Hogir, şehîd Vîyan Peymane, şehîd Delîla bi rêzdarî vîr anî. Ganî no kultur hertim dewam bikero.”

Makuyî bale ant xusûsîyetê dengbêjîye ser û wina va: “Mabênê vatiş û goşdarîkerdişê dengbêjîye de cîyayîyî estî. Seba vatişê dengbêjîye ganî merdim hîs bikero. Tayê hedîseyî estî merdim vano, labelê tayê ci ganî bêrî cuyayene. Zafaneyê dengbêjî nêyî nêkenî. Wexto ke ez zî vana, ez zaf hîsin bena. Ez dej û hedîseyanê verênan hîs kena