Kurdîstanijan û dostanê înan serrgêra 36. ya wefatê ci de şaristanê Parisî yê Fransa de hunermendo şorişgêr Yilmaz Guney yad kerd. Merasimê yadkerdişî de ACTÎT, ADHK, ATIK PARÎS, BÎR-KAR, PDD, Partîzan, CDK-F û ODAKyî eşkerayîya hempare daye.

Eşkerayîye de wina ame vatene: ''Nê prosesî de ke şero emperyalîst û kapîtalîst qewimîyeno nê hezî huner sena menfaatanê xo xebitnenê. Ma do vera nê sîstemê kapîtalîst û emperyalîstî warê hunerî de zî têkoşînê şorişgêrî kenê. Ma rayberê nê têkoşînî Yilmaz Guney yad kenê.''

Merasîm de soz ame dayene ke têkoşîn do bêro geşkerdene.