Zap bi xoverdayîş, koyanê berzan, newalanê xorînan wayîrê cografyayêka heybetine ya. Koyê Zapî zî bi gerîlayan rengin û xemilyaye yî. Gerîla zî sey Zapî zaf hetin û destê ci ra zaf çîyî yenî. Ge-ge destê ci de setetoskop, ge-ge gîtar, qelema sîyaye hergo yew çî destê ci de yo.Nê gerîlayan ra yew zî Delîl Tolhildan o. Tolhildano hesekêyij Şorîşê Rojawanî ra ver xebatanê kultur û hunerî de ca gureto. Serra 2014î dima zî koyanê Kurdîstanî de hem gerîlatî û hem zî doktorî keno.

‘GERÎLA TENA ÇEKE NÊGENO XO DEST‘

Gerîlayê HPGyî Tolhildan cuya gerîlatîye bi nê vatişan ard ziwan: "Cuya gerîlatî tena çeke nîya. Wexto ke embazan mi rê gîtar guret û semedê resmî kaxiz û qelem ardî, mi fam kerd ke PKK senî kultur û hunerî erjaye vîneno. Gerîla tena bi şerî nê, bi kultur, huner û edetan ra girêdaye wazeno ke komelêko azade înşa bikero."

'EZ WAZENA XEYALÊ EMBAZANÊ XO BÎYARA CA‘

Tolhildan qiseykerdişê xo wina domna: "Kurdî bi hîkaye û dengbejanê xo tarîxê xo ganî tepişenî. Xora PKK têkoşînê wayîrvejîyayîşê tarîxê xo dano. Ez bi xo wazena ke wayîrê mîrasê Hozan Mizgîne, Hozan Dilovan û Şehîd Sefkanî bivejîya. Reyna embazê erjîyaye Embaz Delîl, Embaz Abdulsamet, Brusk Hesekê û xeylê embazanê bînan zî zaf emego gird da na xebate. Tewr zaf zî hemra Şehîd Delîl mi ser o tesîr kerd. Saz û gîtar cinayêne û vengê ey zî zaf weş bi. Çiqas saz û vateyê mi seba ey kêmî bimano zî, ez wazena xeyalanê ey bîyara ca."