Yewîya Roşinvîran ê Efrînî 22ê Êlule de Kampa Serdemî de kitabxaneyêkê bi nameyê ‘Serdem’î akerd.

Endama Yewîya Roşinvîran û mesuldara Kitabxaneyî Avesta Xabûra ke ANHAyî rê qisey kerd vat seba nê kitabxaneyî ke bi amacê weyîkerdişê azêkê hişmendî ronîyayo, înan nizdê hîrê mengî keyeyanê rijnayeyan ra kitabî arê dayê.

Kitabxane de bi ziwananê Erebkî, Kurdkî û Îngilîzkî ke zafaneyê înan kitabê sîyasî, îqtîsad, felsefe, sosyolojî, roman, hîkaye û ferheng ê 3 hezarî kitabî estê.  

Avestaya ke umîd kena kitabî bibê hemrayê her kesî vat: “Kitab seke awe û nanî yo. Ganî merdimî kitab ra fek vera nêdê. Bi na wesîle ez umîd kena ke wendişê kitaban mîyanê hemeyê şarê Şehba de vila bibo.”

Hemwelatijo bi nameyê Orîvan Menanî zî vat ke: “Dimayo ke kitabxane abi seba ke ez şîîran ra hes kena mi kitabê şîîran ê şaîr Nîzar Qebanî girewt. Verî mûsayîşê min ê wendişî çinêbi, la ez wextêk ra dima bîya wayîrê nê mûsayîşî. Nika ez her game şina kitabxane. Ez wazena ke her kes ewnîyayîşê xo hîra bikero û kitaban biwano.”