Programê Festîvala Belgefîlman a Fîlmamedî ya ke do Amed de reya 7’ine bêro viraştene bewlî bi. Festîvala ke hetê Komeleya Akademîya Sînemaya Rojakewtena Mîyanêne ra yena organîzekerdene do mabênê tarîxanê 8-12 Gulane de bêro viraştene. Bi festivale do sînemasînayoxî reya 7’ine bi belgefîlmanê weçîniteyan ê dewlemendan temaşe bikerê.

Fîlmê ke çarçewaya Festîvala Belgefîlman a Fîlmamedî ya 7’ine de yê do Merkezê Kultur û Kongre yê Şaredarîya Bajarê Pîlî ya Amedî de û Şûbeyê Odaya Mîmaran (TMMOB) ê Amedî de bêrê ramotene.

Programê festivale yo ke do meşte dest pê bikero de xeylî babetanê cîyayan de belgefîlmê balkêşî, terraqeyî û semînerî estê.