Festîvala Boreka Kurdî ya KAYY-DER’î 6’ê Hezîrane de ya

Komela Kulturî û Paştîdayîşê Sosyalî ya Gêxî, Dep, Azarpêrt, Xorxol û Çêrme (KAYY-DER) Festîvala Boreka Kurdî ya 4’ine ya ke bi hawayêkê tradîsyonkîyî yena viraştene, do 6’ê Hazîrene de viraze.

Festîvala Boreka Kurdî ya 4’îne ya  ke hetê  Komela Kulturî û Paştîdayîşê Sosyalî ya Gêxî, Dep, Azarpêrt, Xorxol û Çêrme (KAYY-DER) ra bi hawayêkê tradîsyonkîyî yena viraştene, emser do 6’ê Hazîrene de bêro viraştene.

Hetkarê serekê komele Ahmet Tuzunî ard ziwan ke Boreka Kurdî ya ke aîdê Gêxîyijan a bi zanayîşî nameyê ci  sey Boreka Hemalî û Boreka Tuxla yeno bedilnayene û hûrdî yena vînayene û va: ‘’Ma zî vera asîmîlasyonî bi esnafanê xo dest bi na festivale kerde.’’ Tuzunî semedê tewrbîyayîşê festivale ya ke bê destmiz yena viraştene veng da û va: ‘’Festîvala ma Meydanê Pîknîkî yê  Semazen Garden ê Beykozî de yena viraştene. Festîval de ekîbanê qursanê ma ra goveng, semah, erbane, Grûba Strankurdî ya Cinîyan do ca bîgêrê. Reyna Aram Serhad, Ozlem Baglayane, Cahît Şerefdîn û hunermendê sazîya ma Alîcan Bîlgîn do vejîyê sehne.’’