Koma Sine Çîya ya ke serran ra nata xebatanê xo rê dewam kena, binê şert û mertanê zoran de zî xîret kerd ke keda Xelîl Dagî dewam bika. Koma ke wazena bi taybetî sînemaya koyan viraze, tewr pêyên bi viraştişê fîlmê 'Berfîne' nê mîras dana dewamkerdene.

'Ma Hîkayeyo ke PKK'yî Viraşt, Ant'

Koma filmî ya ke serebûtanê rastikênan ra îlhamê xo gêna, vat, "Mabênê kesanê ke tewrê PKK'yî bîyî, dadîye û keyne, babî û doman, way û bira û endamê keyeyî estî. Nê ma rê zî tesîr kerd. Babeta fîlmî hîkayeyo rastikên o. Çîyêk dora diyîne nêno ciwîyayene, nêno behskerdene zî. PKK'yî hîkayeyê ke dibareyê ci çin ê, viraştî. Ma kerd ke çend destê ma ra bêro  nê hîkayeyan ra behs bikê. Keyeyêko esto ke tedaya sîstemî o vila kerd. Me verê înan de vindert û rayîrê keyneyêka ke têkoşînê azadîye weçîna û kewta rayîr, sey babete girewt, ma rayîrwanîya ci ya zerrîye zî daxîlê ci kerde. Sey PKK ma wayîrê tarîxê xoverdayîşî yê. Fîlmê Berfîne zî têna nê ra beşêk o. Werrekna ma bieşkayêne pêroyê hîkayeyan ra behs bikê. Nika zî ma wazenê çilkêka dengizê azadîye ra bîyarê serê perdeyan."

Endamanê kome derheqê xebatanê xo de vat , "Hetêkî ra teyarayê keşfî, hetê bînî ra hêrişê hewayî û wezîfeyê ke prosesî ma ra waştêne... Binê nê şertan de çîyêk antiş...Senaryo di mengan ra rew qedîyayo, prosesê antişî semedê hêrişanê hewayî, vurnayîşê mekanan ra 8 mengan de qedîyayo û montaj zî hîrê mengan de ame viraştene. Mesleyê asayîşî estbî la ma bala xo daye serê xebatanê xo. Pê fedakarîyanê pîlan ê embazanê ma xebate safî bîye. Kaykerdoxê fîlmî exlebî gerîla yê û parçeyanê bînan ê Kurdîstanî ra zî kaykerdoxî estê.''

Fîlmê 'Berfîne'yo ke îdarekara ci Ozlem Arzeba ya, do Festîvala Fîlman a Kurdan a 10'ine ya Hamburgî de mabênê 30 Teşrîna Verêne- 6 Teşrîna Peyêne de bêro mojnayene. Fîlm vera awile 6'ê Teşrîna Peyêne de Studio Kîno (Bernstorffstr. 93-95 22767 Hamburg) de do bêro mojnayene.