Qezaya  Cizîre ya Şirnêxî de Komela Ziwan û Kulturî ya Birca Beleka ke tede astanê cîyayan de ziwan, edebîyat û tarîxê Kurdan bi Kurdkî bêrê dayene ameye akerdene.

Akerdiş pê goştarîkerdişê muzîkî dest pêkerd û Wekîl'ê HDP'yî yê Şirnêxî Huseyîn Kaçmaz, Hemserekê Şaredarî yê HPY'yî, rêxistinê dezgehê sivîlî û bi desan hemwelatijî tewrê akerdişî bîyî.

NuştoxBahattîn Robaro ke qiseykerdişo verên ê akerdişî kerd, behsa xebatanê edebîyatkaran ê Kurdî kerd û va: "Herkes ganî sey înan wayîrê ziwanê xo bivejê û têkoşinê ey bide." Robarî ard vîrî ke ziwan rûmetê yew şarî yo û vat wexto ke ma ziwanê xo xo vîrî ra kenî, ma rûmetê xo ca verdenî." Bado zî wekîlê HDP'yî Kaçmazî qisey kerd û bale ante serê girîngîya ziwanî û va: "Ganî herkes wayîrê ziwanê xo biveje. Teyna pê wayîrvejîyayîşê komelan nêbeno. Herkes ganî rolê xo bîyaro ca. Ziwan estbîyayîşê yew şarî yo. Eke ma wayîrê ziwanê xo mevejê, ma tarîxê xo zî xo vîrî ra kenî." Peynî de îdarekaranê komele ra Sabrî Çatikkaş qisey kerd û kesanê ke tewrê akerdişî bî ra sipas kerd û ser xebatan de vindert. Qisey kerdişan ra pey dengbêjê herêma Botanî vejîyayê ser sehne.