Kovara Zrîngî siba ra tepîya kitabxaneyan de ya
Kovara Zrîngî ya Kurdkî ya ke edîtorîya ci hetê Karîkaturîst Dogan Guzelî ra yena kerdene dimayê sibayî pêşkêşê wendoxan bena.
Kovara xêze ya Kurdkî Zrîngî ke îfadekerdişê xo, mûniteyê xo û dîyayîşkîya xo reyde pê xêzan hîkayeyan vana dest pê weşanî kerde.
Kovare do sey manganeyî û hem Kirmanckî û hem zî Kurmanckî bêra weşanayene, hûmara kovare ya yewine 32 rîpel a û siba ra tepîya do wendoxan rê bêra pêşkêşkerdene. Edîtorîya Kovare hetê karîkaturîst Dogan Guzelî ra yena kerdene.
Kovara ke do Fûarê Kitaban ê Amedî de wendoxanî dir bêor têhet, standê weşanxaneyan ê Aryan, Wardoz, Pirtuka Kurdî, Ar û Ava û MED-DER'î û standê Waqfa Mezopotamya de do bêra peydakerdene.
Kovare reya verêne Amed, Wan, Êlîh, Mêrdîn, Agirî, Dêrsim, Çewlîg, Riha, Şirnex, Stenbol, Îzmîr, Enqere, Adana û Mersîn de do bêra vilakerdene.
