Na rêzexebata dîyine ke 11ê Teşrîna verêne de dest pêkerde do heta roja 21ê na aşme dewam bikero.

Reya ewilêne ya na xebate zî reyna hetê heman sazîyan ra serra 2013 de amîbî viraştene.

Nê rêzexebatan de sempozyûm û aktîvîteyê cîya-cîyayî ke derheqê edebîyat û hunerî de yê yenê viraştene.

 Roja 17ê Teşrîna verêne de (ewro) sempozyûmê bi sernameyê “Edebîyat, Sînema û Sirgun” û “Xebatê Akademîkî” yê bi kirmanckî estê.

Nê sempozyûmê ke binê di sernameyan de yenê viraştene saeta 18.00 de bi moderatorîya Mûrat Aygunî do Abdullah Aren Çelîk û Esat Şanli babeta “Edebîyat, Sînema û Sirgun”î bigîrê xo dest. Saeta 19.00 de zî babeta “Xebatê Akademîkî” ke moderatorîya ci do Abdullah Aren Çelîk bikero hetê Veysel Yildizhan û Bîlal Zîlanî ra do bêro ercnayene.

Cayê sempozyûmî Şûbeyê hûmara 1. yê Egitim-Senî yo ke Kalender Center ê Ofîsa Amedî de yo.