Rojê Kulturê Kurdan ê Nurnbergî yê 10’ine dest pêkenê

Rojê Kulturê Kurdan ê ke bajarê Nurnbergî yê Almanya de her serre bi hawayêkê adetîyî yenê viraştene, emser 29'ê Gulanê dest pêkenê. 4 rojî konser, panel, fîlm, govende û aktîvîteyê hunerî do bêrê viraştene.

Rojê Kulturê Kurdan her serre menga Gulane de bajarê Nurnbergî yê Almanya de, hetê Keyeyê Şaran ê Medya ra bi hawayêkê adetîyî yenê amadekerdene. Emser do 10’ine ya ci bêra viraştene.

Rojê Kulturê Kurdan do 29'ê Gulane dest pê bikerê û 4 rojî dewam bikerê. Yeno pawitene ke temsîlkarê xeylî partîyanê sîyasîyan û sîyasetmedarî tewrê aktîvîte bibê.

Bernameyê Rojanê Kulturê Kurdan ê Nurnbergî wina yo:

29'ê Gulane, Çarşeme

Foklor: Govenda Astera
Konser: Suleyman Çarnewa û Eleonore Fournîau
Saete: 18.00
Adrese: Vîlla Leon. Phîlîpp-Koerber-weg 90439 Nurnberg

30'ê Gulane, Pancşeme

Nawdayîşê fîlmî: Kêneyê Rojî
Saete: 19.15
Adrese: FîlmhausK4, Konîgstr. 93, 90402 Nurnberg

31'ê Gulane, Îne

Panel
Moderator: Sosyolog Nîhal Bayrame
Beşdarî: Rojnameger-nuştox Ferda Çetîn, rojnameger-nuştox Ahmet Nesîn, rojnameger -sîyasetmedar Martîn Dolzer
Saete: 18.00
Adrese: Vîlla Leon. Phîlîpp-Koerber-weg 90439 Nurnberg

1'ê Hezîrane, Şeme

Konsero peyên: Koma Dengê Xwezayê, Hozan Aydin, Serhat Çar Newa
Saete: 18.00
Adrese: Vîlla Leon. Phîlîpp-Koerber-weg 90439 Nurnberg