Weşanxaneyê Fûarê Kitaban ê Amedî wendoxan ra kêfweş ê

Weşanxaneyê ke tewrê Fûarê Kitaban ê 7'in ê Amedî bîyî ke hetê TUYAP'î ra ame sazkerdene wendoxanê Amedî ra kêfweş ê.

Fûarê Kitaban ê 7'in ê Amedî yê TUYAP'î roja 5'ine de dewam keno. Xeylî weşanxaneyan standê xo fûar de nayî ro. Her roje bi hezaran Amedijî zîyaretê fûarî kenê. Roja dêstpêkî de 24 hezar 173 kesan fûar zîyaret kerd. Fûarî de derheqê babetan ê huner, edebîyat, şîîr û sîyasetî de panel û çalakîyan bi heman hewayî dewam kerd. Fûaro ke 28'ê Êlule de dest pêkerd do 6'ê Teşrîna Verêne de biqede. Weşanxaneyanê ke fûarî de standê xo akerdî ANF'rê qisey kerd.

Weşanxaneyê Korî ra Hakki Zarîçî ard ziwan ke "Tewrbîyayîşê fûarî her tim tesîrê ci yo musbetî estî. Verê dest ê ma de weşanê neweyî estî ke ma aşkenê înan pêşkêşê wendoxan bikerê."

Weşanxaneyê Metîsî ra Nacî Gurpinarî zî vat ke : "Armancê fûaran no yo ke wendoxî kitabo ke wazenî bivînê. Naye ra sey esasê fûaran o ke weşanxaneyêk  kitabanê kolaksîyan ê ey bîyaro fûarî."

Weşanxaneyê Dîpnotî ra edîtor Umît Ozgerî bala ante ke emser tewrbîyayîşê fûarî bîyo zêdêrû wina dewam kerd: "Wendoxê Amedî enetelektuel û polîtîk ê. Amedî de wendoxê biferasetî estî."