Merkezê Îrtîbat û Çapemenîya HPGyî dîyar kerd ke artêşa tirkî mintiqaya Arê ya Sîdekanî yê Başurê Kurdîstanî bobardûman kerd û bado zî dest kerd operasyonêk. Gerîlayan hêzê oprasyonî rê çalakîyê sûîqastî viraştî, 2 leşkerî ameyî kiştene. Şemzînan de zî kontrayêko biyo sebebê şehadetê 8 gerîlayan, ameyo ceza kerdene.

SÎDEKAN AME BOMBARDÛMAN KERDENE

Eşkerayîya HPGyî wina ya:

‘‘28ê êlule (ewro) seatanê sipêde teyeranê şerî û helîkopteranê artêşa tirkî Başûra Kurdîstanî de mintiqaya Arê ya Sîdekanî de Loyê Şehîd Rozerîne bombardûman kerd û bado zî dest kerd operasyonêk.

ÇALAKÎYÊ SÛÎQASTÎ: 2 LEŞKERÎ AMEYÎ KIŞTENE

Hêzanê ma seatanê serê sibayî de hêzê operasyonî rê çalakîyê sabotajî viraştî. Nêtîceyê nê çalakîyan de 2 leşkerî ameyî kiştene û xeylê zî birîndar bî. Mintiqa de operasyon dewam keno.

ŞEMZÎNAN DE KONTRAYÊK AME CEZA KERDENE

Vizêr hêzanê ma qezaya Şemzînanî yê Colemêrgî de kontrayo bi nameyê Erol Tekîn ceza kerdo. No şexs par û emser hetkarîya dişmenî kerdo û biyo sebebê şehadetê 8 embazan û 2 mîlîsanê ma. Wa peroyê hola bizanê ke bi sebebo ke rolê ney şehadetê embazan û mîlîsanê ma de esto, ameyo kiştene. Gerîlayê Azadîya Kurdîstanî falîyetê kontra ke vera şar û erjayanê ci benî, bê ceza neverdenî.

OREMAR DE OPERASYON, AVAŞÎN RÊ HÊRIŞÊ HAWAYÎ

Artêşa tirkî 24ê êlule de Gevera Colemêrgî de operasyonêko ke mintiqaya Matê ya Oremarî de dabi dest pêkerdene, roja bîne dest veng qedîya.

Vizêr nê perey zî saetanê şewî de teyarê şerî yê artêşa tirkî Warê Pawitişê Medya ra Avaşîn de mintiqaya Werxelê bombardûman kerdo.’’