Ewro serê sibayî saet 06.00 ra nata 21 mehlayanê qezayanê Licê, Pasûr û Farqînî yê Amedî de qedexeyê tebervejîyayîşî ame îlankerdene.

Çarçiwaya qedexeyî rê dewekê ke pabesteyê mehlayan bî zî ameyî daxilkerdene. Herême de verê îlankerdişê qedexeyê tebervejîyayîşî bi tewrbîyayîşê hêzanê taybetîyan operasyonêko eskerî ame destpêkerdene.

Cayê ke hetê walîtîya Amedî ra sey qedexe ameyî îlankerdene nê yê: “Mehlayê Budak, Dallica, Turelî, Tepe, Kabakaya, Kutlu û Oyuklu û dewekê ke pabesteyê înan ê yê qezaya Licê; mehlayê Çukurca, Akbulak, Demîrlî, Bakirkoy, Duzce, Temren, Taşkopru, Guleç, Înkaya, Barin, Uçkuyu û Înan û dewekê ke pabesteyê înan ê yê qezaya Pasûrî; mehlayê Dolaplidere û Dagcilarî û dewekê ke pabesteyê înan ê yê qezaya Farqînî.”