Mêrdîn de operasyon, Hatay de çalakî
Merkezê Îrtîbat û Çapemenîya HPGyî bi eşkerayîyêka nuştekî derheqê operasyonê Mêrdînî, çalakîya Hatayî û hêrişê hawayî yê Avaşanî de zanayîş da.
Merkezê Îrtîbat û Çapemenîya HPGyî bi eşkerayîyêka nuştekî derheqê operasyonê Mêrdînî, çalakîya Hatayî û hêrişê hawayî yê Avaşanî de zanayîş da.
Eşkerayîya HPGyî wina ya:
"5ê êlule de saetnê şanî de artêşa tirkî bi qoricî û qontrayan herêma Bagokî yê Mêrdinî de operasyonêk da dest pê kerdene. 6ê aşme de binateyê hêzê ma û leşkeranê îşxalkaran de pêkewtişêk ame meydan û herême hetê teyaranê şerî ra ameye bombardûman kerdene.
Bombardûman de embazê ma Şoreşger Mardin şehîd kewt.
Nasnemeyê embazê ma şehîdî wina yo:
Nameyê Qodî: Şoreşger Mardin Name Peyname: Mahmut Agirman Cayê Biyayîşî: Mêrdîn Dadî-Babî: Latife - Sabrî Tarîx û Cayê Şehadetî: 6ê êlula 2018î / Mêrdîn |
HATAY DE ÇALAKÎ
2ê teşrîna verêne de arteşa tirkî mabenê Hatay û Îskenderûnî de bi xeylê kontarayan dest operasyonêk kerd. 4 aşme de seatanê nîmê roje de gerîlayanê ma nêzdîya Qilê Şahînî de hêzê operasyonî rê çalakîyêk viraşt. Mesafeyo nêzdî ra yewîya dişmenî têsîrin ameyî piro dayene, leşkerêk merd. Operasyon hema dewam keno.
GERÎLA ÇEKDAR ESÎR KEWT
Eşkerayîya xo yê 4ê teşrîna verêne de ma dabi eşnawitişê ke embazê ma Çekdar Azad ( Ferdî Muşlu) 28ê êlule de operasyonê Elkê ya Şirnexî de şehîdt kewto. Embazê ma Çekdar şehîd nêbîyo, esîr kewto destê dişmenî.
AVAŞÎN DE BOMBARDÛMAN
6ê teşrîna verêne de teyaranê şerî yê artêşa tirkî saetanê şewî de Avaşîn de Adilbeg bombardûman kerd. Reyna 7 aşme de zî saetanê sibayî de herêma Werxele ya Avaşînî ameye bombardûman kerdene. Bombardûman de vîndîbîyayeyê ma çîn ê."