Serragêrayîşê 40. ê PKKyî bi aktîvîteyanê cîya cîyayan Wareyê Pawitişî yê Medya de yeno pîrozkerdene.

Endamê Komîteya Rayberdişî ya PKKyî Rûken Garzane, Kasim Engîn û endamê Komîteya Merkezî ya PKKyî Hemrîn Dersim û Cemal Şerîk, fermandaranê HPG û YJA STARî ra zî Mîzgîn Goyî, Hezîl Ozgur, Çeknaz Kars û Kawa Garzan tewrê aktîvîteya ke bi merasimê eskerîyî dest pêkerde bîyî.

Merasimî ra dima Rûken Garzane qisey kerd û nê vatî: “Sere de yê Rayber Apoyî ma serragêrayîşê çewresinî yê PKKyî yê heme hemrayanê ma yê ke resayê şehadetî pîroz kenê. PKKyî mîyanê 40 serran de tarîxê Kurdistanî rê mîrasêkê ercayeyî verda. Şerwanê azadîye yê ke hemverê faşîzmî de mucadele danê bi şewqêkê pîlî ewro zî nê mucadeleyê xo domnenê. Cinîyê kurdan ê ke serkêşîya Îdeolojîya Xelesîye ya Cinî kenê ewro cinîyanê dinya rê benê nimûneyê cimatê seypê û exlaqîyî.”

Ma do faşîzmî mîyanê komployanê ci de bifetesnê

“PKK hemverê emperyalîzm û kaptîlazmî de mucadele dano raştîya cimatan vejeno meydan û 40 serrî yo ke beyraqa sosyalîzmî hemverê faşîzmî de têşaneno. Komploya mîyanneteweyîye yak e hemverê Rayber Apoyî de amî viraştene veng amî vetene. La bi serkêşîya Amerîka hemverê Rayber Apoyî û kadroyanê PKKyî de hêrişêko newe ame destpêkerdene. PKK zerrîya şarî de ca girewto û do bi qerardarîye hemverê nê hêrişî de zî xo ver bido. Faşîzm û hêzê emperyalîstî do mîyanê komployanê xo de bifetesîyê û Têgêrayîşê Azadîye do beyraqa sosyalîzmî serra xo ya 41. de zî têşano.”