Tepişteyê ke Zîndanê Tîpê Tyî yê Amedî yê 1inî de yê vat ke îxlalkerdişê heqan çende şino benê zêde, gama ke reaksîyon ramojnenê zî înan rê cezayê tewir tewirî yenê dayene.

Tepişteyan çend problemê xo wina ardî ziwan: “Ma ancax mengêk ra reyêk eşkenê şirê doktorî het. Seba 3 zîndanan tenya yew doktor ameyo wezîfedarkerdene. Embazê ma yê ke teehlîyeya înan yena bi behaneyanê vengan cezaya disîplînî dîyena bi înan. Keyeyê ma yê ke yenê serdana ma raştê têgêrayîşanê bêhurmetan yenê. Pêvînayoxê ke reaksîyon ramojnenê înan rê cezaya nêvînayîşî yena dayene. Awa germine nêdanê ma, kalorîferî nêbenê germin. Kitabê ke bi Kurdkî yê bi sebebê ‘kes çinyo tercume bikero nêdîyenê ma û îdare herinda ke problemanê ma rê çareyan bivîno probleman hîna keno pîl, bi tewiranê xo faşîzm bica ano.“