Rêxistina HDPyî ya Amedî û rêxistinê komelê sîvîlî yê bajarî vera tecrîdî serê Rayberê Şarê Kurdî Abdullah Ocalanî xoverdayîşê zîndanan selam kerd.

Eşkerayîya ke verê Vîrdarîya Heqanê Merdiman a Parka Koşuyolu ame kerdene de bale ameye antene tecrîdê Îmraliyî û binpaykerdişê heqanê tepişteyan ser û ame vatene ke tepişteyê sîyasîyî wayîrê îradeyê xovejîyenê û milê xo çewt nêkenê. Tepişteyî semedê komelêkê demokratîk û azadî bedel danê. Çalakîye de  ame vatene ke ê sey HDP û rêxistinê komelê sîvîlî paştî danê xoverdayîşê tepişteyan û wazenê ke waştişê înan bêrê caardene.