Hemserekîya Konseya Rayberdişî ya KCKyî  bi wesîleya serrgêra Qirkerdişê Mereşî ya 19-26ê Kanûna 1978î eşkerayîyêke weşanaye.

Eşkerayîye wina ya:

''Qirkerdişê Mereşî hem seba afernayîşê bingeyêDarbeya 12ê Êlule hem zî seba qirkerdişê kurdan ê rojawanê Firatî ame kerdene. Mîyanê sînoranê Tirkîya de qirkerdişê elewî û kurdan normalîze bîyo. Êyê ke nê qirkerdişî kerdî bêceza vera dîyayî. Ewro zî na rewşe dewam kena. Dewleta tirke karakterê xo kişîyayîşê Kemal Kurkut û keyeyê Şenyaşarî de mojna. 

Polîtîkaya vera kurd û elewîyan Planê Şark Islahatî de bi hawayêkê zelalî ameye kerdene. Hedefo verên ê nê planî zî elewîyê Dêrsim û rojawanê Firatî bîyî. Qirkerdişê Mereşî ra dima rojawanê Firatî de kurdî nêmendî û no zî sebebê nê qirkerdişî eşkera keno. Ewro rojawanê Firatî de se ra 10 kurd û elewîyî estê. Bi qirkerdiş, teda û zorbazîye rojawanê Firatî bê kurd û elewî vera dîya.

Qirkerdişê Mereşî de 200 mîlyon merdimî kişîyayî. Ewro vera kurd û elewîyan heman nêzdîbîyayîş esto. Vera elewîyan polîtîkaya qirkerdişê bawerîye yena caardene. Heta elewîyî na raştîye fam nêkerê nêeşkenê verê qirkerdişan bigêrê. Ganî elewîyî bizanê ke na dewlete wazena elewîyan qir bikera.

Wezîfeyo verên ê elewîyan o ke mîyanê têkoşînê vera na hîşmendîya dewlete de ca bigêrê. Elewîyî têna eke Tirkîya demokratîk biba eşkenê bawerîya xo bipawê.

Eke elewîyî abigêrê ca û waranê xo, bawerî û kulturê xo newe ra ganî bikerê o çax eşkenê cewabê armancê nê qirkerdişan bidê. 

Wa şarê ma bizano ke hîşmendîya Qirkerdişê Mereşî dewam kena. Êyê ke Mereş û Sêwas de qirkerdişî kerdî nika îqtîdar de yê. Nê dişmenê elewî û kurdan ê. Ganî kurd û elewîyî na raştîye bivînê, îtîfaqê demokrasî bikerê û vera îqtîdarê faşîstî AKP-MHPyî têkoşîn bikerê. Tirkîyaya demokratîke de elewî, kurdî û ê bînî do bieşkê bi nasname, kultur û bawerîya xo biciwîyê.

Ma qurbananê Qirkerdişê Mereşî bi rêzdarî yad kenê. Ma sozê xo dibare kenê ke ma do hesreta înan Tirkîyaya demokratîke û Kurdîstanê azadî bîyarê ca. Nê esasî ser o ma venga hêzanê demokrasî danê ke vera îqtîdaro ke wayîrê hîşmendîya qirkerdişî yo têkoşîn berz bikerê.''