Colemêrg de serra 2015î ra nata kerdişê rewşa îstîsnayîye estê, dekewtiş û vejîyayîşê şaristanî de noqtayê polîsan estê, her çalakîye de HDPyîjî asteng benê û ciwanan rê ajanîye yena ferzkerdene.

Hemsereka HDPyî ya Colemêrgî  Sîneme Seven derheqê tedayan de ANFyî rê qisey kerd.

Sîneme Seven vat: ''Colemêrg de polîtîkayê şerê taybetî yenê caardene. Ciwananê ma rê ajanîye yena ferzkerdene. Hêzê dewlete hêrişê cinî û kênayanê ma kenê. Her ca de noqtaya kontrolî ya polîsan esta.  Bi nê hawayî ê xîret kenê ke çimê ma bitersê. Herême de hûmara leşkeran vera zêdîyena Wexto ke partîya ma tîya de faalîyetêk bikera cade asteng bena. Înan rê gefê 'ma do domananê şima rê xirabîye bikerê' yeno wendene û dormeyê înan yeno girewtene.''

Sevene bale ante karanê ajanîye û tecawuzî yê hêzanê dewlete ser û vat: ''Çîyo winasên hetê eşîr û polîsan ra yeno mîyankerdene. Hêzî pê çeka xo her ca de yê. AKP tim eşkeno çalakîyan bikero la hêzî nêverdanê ke ma vilawekan zî vila bikerê. Rixmê nê çîyan zî mîyanê şarî de karê ma bêcewab nêmanenê.''