HPGyî gerîlayî Armanç û Zinarîne yad kerdî
HPGyî gerîlayî Armanç Welat bi nameyê bînî Orhan Muhammed û Zînarîne Zînar bi namemeyê bînî Selva Şêx Muhammed ê ke menga teşrîna verêne de Heftanîn de şehîd bîyî yad kerdî.
Merkezê Îrtîbatî û Çapemenîye yê HPGyî nasnameyê di şehîdanê Heftanînî eşkera kerdî.
HPGyî eşkerayîya xo de ca da nînan: ''19ê teşrîna verên a 2020î de warê Boselê ya Heftanîn de netîceya hêrişê hewayî yê dewleta tirke de hemrayê ma Armanç û Zinarîne tewrê kerwanê şehîdan bîyî.
Nasnameyê embazanê ma yê şehîdan wîna yê:
|
|
Nameyê Qodî: Armanç Welat Name û Peyname: Orhan Muhammed Cayê Bîyayîşî: Efrîn Maye-Pî: Zeluxe – Ahmet Tarîx û Cayê Şehadetî: 19ê Teşrîna Verêna 2020î / Heftanîn |
|
|
Nameyê Qodî: Zinarîne Zinar Name û Peyname: Selva Şêx Muhammed Cayê Bîyayîşî: Kobanê Maye-Pî: Fatma – Şêx Muhammed Tarîx û Cayê Şehadetî: 19ê Teşrîna Verêna 2020î / Heftanîn |
Hemrayê ma Armanç û Zinarîne Rojawanê Kurdîstanî ra yê ke bi xoverdayîşê xo dinya xo rê heyran verda. Wird hemrayê ma zî keyeyanê welatperweran de ameyî dinya û bi kulturê xoverdayîşî bîyî pîl. Heskerdişê welatî yê hemrayanê ma Armanç û Zinarîne verê înan da sefanê garîlayanê azadîye. Hemrayanê ma Armanç û Zinarîne ke vera hêrişê qirkerdişî yê dewleta tirke de cehpheyê xoverdayîşî de bi tewirê fedaîyî cewab da, Cengê Heftanînî de rêça Esmer û Rusteman de xoverdayîş tacîdar kerd. Tewirê mucadeleyê embazanê ma yê şehîdanê qehremanan ma peyde mendeyan rê fermanê serkewtişê qetî yo.
Sere de keyeyê erjîyayeyî yê şehîdanê ma heme şarê welatperwerî yê Kurdîstanî rê ma serweşîye wazenê û reyna soz danê ma do waştişê şehîdanê xo yê qehremamam bîyarê ca.''
