Mexmûr de grevê vêşanîyo ke vera tecrîdê serê Rayberê Şarê Kurdî Abdullah Ocalanî serkêşîya Meclîsê Îştare de amebi destpêkerdene kewt roja 9.

Çalakîya ke 18ê kanûne de ameye destpêkerdene hetê grûba pancêna ke roniştoxanê kampe ra yena raameyene, yena domnayene. Çalakwananê ke ANFyî rê qisey kerd ard ziwan ke ê do heta azadîya Rayberê Şarê Kurdî Abdullah Ocalanî çalakîya xo rê dewam bikerê.

Çalakwanan ra  Zekî Geverî vat: ''Seba ke ez Rayberîya ma de reyde welatê azadî de biciwîye tewrê çalakîye bîya.  Wa dost û dişmen her kes bizano ke ma do heta nefesê xo yê peyênî xover bidê.''

Wesîle Gabarî zî ard ziwan ke heta azadîya Ocalanî do mucadeleyê înan dewam bikero û vat:  ''Ez sey dadîyêke venga kurdan dana ke wa wirzê payan ser û paştî bidê xoverdayîşê gerîlayan û tepişteyanê sîyasîyan.''

Evdîleyê Spêrtî zî bale ante komployê mîyanneteweyî yo ke şexsê Ocalanî de ame kerdene ser û vat: ''Netîceya hemkarîya hêzanê serdestan de Rayber Apo esîr ame girewtene la çew/e nêeşke ma ey ra raqilno. Se beno wa bibo ma do bi felsefeya Rayber Apoyî ser bikewê.''