Merkezê Îrtîbatî û Çapemenîye yê HPGyî bi eşkerayîya nuştekîye derheqê çalakîyanê gerîlayan û hêrişê artêşa tirke de zanayîş da.

HPGyî vat: ''Çarçewa Hemleya Şorişgêre ya Cengê Heftanînî de 22 kanûne de warê Xantûrî yê Heftanînî de saetanê nêmroje de vera îşxalkeran do perran ra çalakîyêke ameye kerdene. Çalakîye de mewzîyêka A4î hetê perrê verênî ra ame pirodayene û pîya 2 îşxakerê ke tede bî ameyî îmhakerdene. Perrê diyînî zî da yewna mewzî ro, îşxalkerêk ame cezakerdene.''

HPGyî da zanayene ke artêşa tika îşxalkere hêrişê Herêmanê Pawitişî yê Medya kerd û detayê hêrişan pare kerdî:

''12ê kanûne de ra heta 20ê kaûne warê Keşanî ke pabesteyê Heftanîn o pê obus û hawanan ame pirodayene.

19ê kanûne de warê Qilê Sûrî, 20ê kanûne de warê Werxelyê û warê Basya  yê herêma Avaşînî pê teyarayanê şerî ameyî bombardumankerdene.

24ê kanûne de warê Prizî yê herêma Garê, warê Saca, Çemço û Sîda yê Zapî pê teyarayanê şerî ameyî bombardumankerdene.''