Şarê Şingalî ewro vera pêkerdişê Bexdad  û Hewlêrî vejîyaya kuçeyan û waşt ke wa no pêkerdişo ke vera Şingalî yo bêro betalkerdene.

Rayraşîyayîşo verê Mederseya Sorî de dest pêkerd verê Merkezê Asayîşî yê Şingalî de qedîya. Dima mîtîngek ame kerdene. Mîtîng de bi nameyê Meclîsê Xoserîya Demokratîke yê Şingalî, Têgêrayîşê Azadîye yê Cinîyan ê Êzidîyan û Asayîşê Şingalî qiseykerdişî ameyî kerdene.

Qiseykerdişan bale ameye antene çalakîya xeyma xoverdayîşî ya ke 25 rojî yo yena domnayene ser û ame vatene ke çi heyf ke hema waştişê înan nêaeyî caardene. Qiseykerdoxan vat hukmatê Iraqî bi hêzanê ke şawitî Şingalî wazeno ma bitestno la wa ê nayî bizanê ke ma nêtersenê û semedê wayîrvejîyayîşê heqanê xo xoverdayîşî rê dewam kenê. Çalakîyê de ame waştene ke wa xoserîya Şingalî bêro naskerdene û ame vatene ke êyê ke îradeyê Şingalî nas nêkenê ma zî înan nas nêkenê.