Hewteyê 31’inî yê Lîgî de Amedsporî Kastamonuspor 1966’yî meyman kerd. Maç Stadyûmê Amedî de ame kaykerdene. Kaybazanê Amedsporî seba ke bale biancê serê îstîsmarê zayendî yo ke nê wextanê peyênan de hemverê domanan de bîyo vêşî bi pankarta ‘domanî huş benê, ti huş mebe’ vejîya maçî.

Hetgêranê Amedsporî yê ke trîbunan de bî bi slogananê “Wa domanî nêrê kiştene, wa bêrê maçî” û “Destê ke hemverê domanan de benê derg wa bişikîyê” paştî daye kaybazan.

Sporkarê Amedsporî û hetgêrê înan deqayêk bêveng mendî û bale ante serê îstîsmarkerdişê zayendîyî.