Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Goreyê eşkerayîye artêşa tirke ya îşxalkere Herêmê Pawitişî yê Medya 23 reyî pê teyarayan, 25 reyî pê helîkopteran dayî bombayan ver û vera tunelanê şerî zî 13 reyî pê teqaberan û gazê jehrînî şuxilnayî.

Derheqê çalakîyan û hêrişan ê ke 17ê hezîrane  de  ameyî kerdene de nê agahîyî ameyî dayene:

 Zap 

Warê Xoverdayîşî de Karkerî de îşxalkerî hetê hêzanê YJA-Starî ra bi taktîkê suîkastî ameyî pirodayene û 2 îşxalkerî ameyî cezakerdene.

Metîna 

Warê Xoverdayîşî yê Girê Cûdîyî de îşxalkerî pê taktîkê suîkastî ameyî pirodayene û 1 îşxalker ame cezakerdene. Eynî roje de Warê Xoverdayîşî yê Girê Cûdîyî de hêzanê ma venga îşxalkeran da ke wa teslîm bibê, dima pê çekanê ferdîyan da înan ro. Mudaxeleyê hêzanê ma ra dima îşxalkeran gamêke xo apey girewt. Dima îşxalkeran çeka kîmyewîye şuxilnaye. Girê Şehîd Bextîyar de 1 îşxalker pê taktîkê suîkastî ame cezakerdene.  Warê Xoverdayîşî yê Girê Cûdîyî de îşxalkerê ke waştêne Girê Şehîd Çekdarî de ca bidê xo, pê çalakîyêka bikoordîne ameyî pirodayene. Tîya de goreyê tesbîtan tewr tay 6 îşxalkerî ameyî cezakerdene. Warê Xoverdayîşî yê Girê Cûdîyî de, Girê Şehîd Çekdarî de îşxalkerî pê taktîkê suîkastî ameyî pirodayene û 1 îşxalker ame cezakerdene. Warê Xoverdayîşî yê Girê Cûdîyî de îşxalkerî pê çekanê ferdîyan ameyî derbkerdene.  Warê Xoverdayîşî yê Girê Hekarî de îşxalkerî pê çekanê giranan ameyî derbkerdene. Mudaxeleyê hêzanê ma ra dima îşxalkeran gamêke xo apey girewt.  Warê Xoverdayîşî yê Girê Hekarî de hetê hêzanê ma yê YJA-Starî ra îşxalkerî ameyî derbkerdene. Warê Xoverdayîşî yê Girê Hekarî de 1 kameraya mobese hetê hêzanê ma yê YJA-Starî ra ameye îmhakerdene. Warê Xoverdayîşî yê Girê Hekarî de, Girê Şehîd Akîfî de îşxalkerî hetê hêzanê ma yê tîmanê hereketînan ra ameyî pirodayene. Verî xeyma îşxalkeran ameye îmhakerdene û tede 3 îşxalkerî ameyî cezakerdene. Xeymêka bîne ya îşxalkeran zî ameye îmhakerdene û tede 1 îşxalker ame cezakerdene û 1 îşxalker zî birîndar bi. Dima gir de îşxalkerî ameyî pirodayene û 2 îşxalkerî ameyî cezakerdene, 1 kameraya mobese ameye îmhakerdene.  Warê Xoverdayîşî yê Girê Cûdîyî de îşxalkerî pê çekanê ferdîyan ameyî pirodayene û mudaxeleyê hêzanê ma ra dima îşxalkeran gamêke xo apey girewt. Warê Xoverdayîşî yê Girê Hekarî de hêzanê ma helîkopterêk hedef kerd. Mudaxeleyê hêzanê ma ra dima helîkopter warî ra dûr kewt.

Bombarduman

Tnelê şerî yê Warê Xoverdayîşî yê Girê Hekarî pê teqaberan, tunelê Warê Xoverdayîşî yê Karkerî pê teqaberan, tunelê Warê Xoverdayîşî yê Şikefta Birîndaran pê teqaberan dîyayî bombayan ver.  Warê Xoverdayîşî yê Werxelê de îşxalkeran verê tunelan de adir kerd we, 2 reyî dûyê jehrînî şawitî tunelan û 1 rey zî teqaber şuxilna.  Warê Xoverdayîşî yê Werxelê û Girê FMyî de têgêrayîşê droneyan qewimîya. Werxelê, Girê Amedîyê, Girê Şehîd Heqî, Gelîya Lolanî, Warê Xoverdayîşî yê Karker, Saca, Girê Cûdî, Girê FMyî, Werxelê, Girê Goşînê, Girê Şehîd Hawar, Sinûnê, Şehîd Şerîf, Girê Hekarî, Warê Xoverdayîşî yê Kurojahroyî, Girê Azad, dewa Seraro, dewa Êdîna, warê Koordîne, Qaşûra dîyayî bombayan ver.