Endamê Meclîsê Ciwanan ê HDPyî Nurullah Uzgun û Îlyaso ke peynameyê ci nêno zanayene Wan ra şîyêne Agirî. Derheqê her di endamanê ciwanan ê HDPyî de xeberêk çin a.

Nurullah Uzgun û Îlyaso ke peynameyê ci nêno zanayene vizêr bi otobuse Wanî ra şîyêne Agirî. La keye û embazanê ci înan ra xeberêk nêgirewte. Eşkera bi ke Îlyas noqtayê polîsan ê qezaya Erdîşî yê Wanî de û Nurullah zî noqtayê polîsan ê qezaya Xamurî ya Agirî de otobuse ra ameyî peyakerdene. Çend xîret ame kerdene zî nêno zanayene ke Îlyas û Nurullah ameyî berdene ça.