Hêzanê Sûrîyeya Demokratîke (QSD) hemleya Baxozî de bi desan Êzidî destê çeteyaê DAÎŞ’î ra xelisnaybî. Înan ra beşêk zî teslîmê keyeyanê înan, beşêk zî teslîmê Rayberîya Şengalî ameyî kerdene.

Êzidîyê ke ameyê xelisnayene dima ameyî berdene bi Kampa Holî ya Hesekê, bado teslîmê Keyeyê Êzidîyan ê Amûde ameyî kerdene.

27 Êzidîyê ke Keyeyê Êzidîyan ê Heseke de yê bi merasîmêk teslîmê Meclîsê Xoserîye yê Demokratîkî yê Şengalî ameyî kerdene. Merasîm de fermandarê QSD'î Şîyar Hesekê, rayber û endamê Keyeyê Êzidîyan zî amade bî.

Yeno pawitene 27 Êzidîyê ke ameyê xelisnayene ewro saete 14:00 de hetê Meclîsê Şarî yê Xanesorî ra teslîmê keyeyanê înan bêrê kerdene.