Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Eşkerayîye wina ya:

''Çarçewa Hemleya Şorişgêre ya Bazanê Zagrosî de herêma Avaşînî de;

16ê temmuze de warê Werxelê de dormeyê Bogazê Şehîd Canşêrî de 3 yewinê artêşa tirke ya îşxalkere serê sibayî hetê gerîlayan ra gêrîyayî binê kontrolî. Dima îşxalkerî çar baskan ra ameyî hedefkerdene û bi hawayêkê bitesî ameyî pirodayene. Baska yewîne mewzîyê 6 îşxalkeran û çeka bombaeştoxe kerdî hedef. Çalakîye de 6 îşxalkerî ameyî cezakerdene, mewzî û çeka bombaeştoxe ameyî îmhakerdene. Baska diyîne ya çalakîye mewzîyê 4 îşxalkeran hedef kerd û da piro. Tîya de 3 îşxalkerî ameyî cezakerdene û mewzî ame îmhakerdene. Îşxalkerê ke waşt mudaxeleyê warê çalakîye bikerê hetê baskanê 3. û 4. ra ameyî pirodayene. Îşxalkerî neçare mendî ke xo apey bigêrê. Wextê çalakîye de warê Werxêlê de îşxalkerî panîk bîyî û înan tunelê şerî zî teriknayî remayî. Çalakîye ra dima herême de têgêrayîşê helîkopteran qewimîyayî.

Netîceya na çalakîye de ke tede taktîkê gerîlayan ê dewrê neweyî şuxilîyayî tewr tay 9 îşxalkerî ameyî cezakerdene, 2 mewzî, yew çeka bombaeştoxe ameyî îmhakerdene û xeylêk îşxalkerî birîndar bîyî.

16ê temmuze de artêşa îşxalkere qerajê Werxêlê pê obusan dayî bombayan ver. Bombardumanî şewat vejîya û şewat hema zî dewam keno. 17ê temmuze de xeta Qaşûra ya Metîna de têgêrayîşê helîkopteran qewimîyayî û dewê Hiror û Kêste yê Kanî Masî yê Amedîyê pê helîkopteran dîyayî bombayan ver. Reyna 17ê temmuze de artêşa îşxalkere tunelê şerî yê Werxêlê dayî bombayan ver, pê teqaberan hêrişê tunelan kerd. Heman roje waranê Merwanos û Banista de têgêrayîşê helîkopteran qewimîyayî.

Nê bombardumanan de zerarêk nêresa hêzanê ma ser.''