5 domanê ke kewtî awa Mûradî cuya xo vînî kerde

Wendekarê kursê Quranî yê ke şîyî pîknîk Royê Mûradî de cuya xo vînî kerde. 5 domanê ke kewtî verê pêlanê awan merdî, domanêk vînî yo.

Dewa Beşçatak a pabesteya qezaya Malazgirtê Mûşî de tayê wendekarê kursê Quranî yê ke seba honikbîyayîşî kewtî awa Royê Mûradî înan ra 5 kesî xeneqîyayî, yew vînî yo.

40 domanê ke hetê îmamê kursî ra ameyî berdene bi pîknîk, înan ra tayê kesî seba honikbîyayîşî kewtî awe. Domanan ra tayê kewtê verê pêlanê awe, 4 tenan cayê qewimîyayîşî de cuya xo vînî kerde, domanêk zî nêweşxane de merd. Ame zanayene ke domanêk zî vînî yo. Ekîpê AFAD’î yê ke cayê qewimîyayîşî rê ameyî sewqkerdene seba vînayîşê domanî yo ke bîyo vînî xebatê xelesnayîşî dayî destpêkerdene.

Hemwelatijêkê dewijî vat qewimîyayîşî ra dima îmam raste de nêaseno û vat: “Verê çiman de bi zanayîş wehşetêk ame ciwîyayene. Rixmo ke zanîyeno Royê Mûradî de şîpe esta zî ê destûr da ke bikewê awe. 5 domanan cuya xo vînî kerde, yew zî vînî yo.”