Yewinanê Şehîd Dogan Zinarî seba vîrameyîşê Xoverdayoxanê 14ê Temmuze 7 çalakîyê hewayî kerdî. Nînan de 5 îşxalkerî ameyî cezakerdene, 8 îşxalkerî birîndar bîyî, 2 wesayîtê zirxinî ameyî îmhakerdene û zerar dîya baregehanê îşxalkeran.
Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:
''Yewina Şehîd Dogan Zinarî bi qiseyê 'Berxwedan Jiyan e!' seba vîrameyîşê Xoverdayoxanê 14ê Temmuze çalakîyê hewayî yê bitesîrî kerdî.
Mabênê 3-11ê temmuze de Herêma Şehîd Delîlî ya Rojawanê Zapî de, baregehê artêşa îşxalkere bi wesayîtanê hewayî ameyî hedefkerdene. Baregehê îşxalkeran ê Warê Xoverdayîşî yê Girê Amedîyê di reyî, ê Warê Xoverdayîşî yê Girê Biharî reyêke û ê Warê Xoverdayîşî yê Sergelê 4 reyî hewayî ra ameyî pirodayene. Nê çalakîyan de 5 leşkerê tirkî yê îşxalkerî ameyî cezakerdene, 8 îşxalkerî birîndar bîyî, 2 wesayîtê zirxînî yê bi tîpê Kîrpî ameyî îmhakerdene û zerarêko pîl dîya baregehanê îşxalkeran ro.
Gerîlayanê Azadîye yê Kurdîstanî nê çalakîyanê hewayî reyde hetê taktîk, afernayoxî, zengînî û teknîkî ra astêka girînge viste destî. Dewleta tirke ya îşxalkere hem seba nimnayîşê kişteyanê xo hem zî seba nimnayîşê tesîrê na asta gerîlayan qet yew kişteyê xo eşkera nêkerd. Sey gerîlayan ma do bi dîmenan çalakîyanê Yewinanê Şehîd Dogan Zinarî şarê xo û rayaumûmîye de pare bikerê.''
