Qezaya Serayî ya Wanî de dima ke vewrês gina mînînusêke ser xebatê xelisnayîşî û cigêrayîşî dayîya destpêkerdene. Netîce de 5 meyîtî ameyî dîyene û 7 kesî ameyî xelisnayene. Seba yew kesî zî xebate dewam kena.
Qezaya Sarayî ya Wanî de vewrês gina mînîbusêke û wesayîtêkê karî ser o. Bobelatî ra dima xebatê xelisnayîşî û cigêrayîşî dewam kenê. Xîret yeno kerdene ke kesêko ke binê vewrêsî de yo bêro xelisnayene.
Vizêr sate 17:00 de rayîrê mabênê Wanî û Sarayî de mînîbusêke û wesayîtêkê karî binê vewrêsî de mendî. Operatorê wesayîtê karî Bahattîn Karagulle cam şikit û xo eşt teber.
Vewrêsî ra dima xebatê ekîbanê xelisnayîşî û cigêrayîşî dewam kenê. Netîceya xebatan de meyîtê Saadete Tosun, Muhtebere Alav, Kenan Turan û Nariç Turanî ameyî dîyene û 7 kesî ameyî xelisnayene. Yeno texmînkerdene ke kesêk hema zî binê vewre de yo.
Ame zanayene ke birîndaran ra Bahattîn Karagulle, Fethî Turan, Nezîh Turan û Sadik Turkeş ameyî berdene bi Nêweşaxaneyê Herême yê Wanî û birîndarê bînî zî ameyî berdene bi Nêweşxaneyê Yuzuncu Yilî yê Wanî.
