Merkezê Çapemenî û Îrtîbatî yê HPG’yî derheqê çalakîya Amedî  û hêrişê hewayî yê artêşa Tirkî de zanayîş da.

Amed de 5 Leşkerî Ameyî Kiştene

Eşkerayîye de nê ameyî parekerdene: ‘‘25’ê Nîsane de saetanê şanî de rayîrê Amed û Çewlîgî de hetê hêzanê ma ra çalkîyêk ameye viraştene. Nêzdîya dewa Kilberê ya Licê de vera artêşa Tirkî çalakîya sabotajî ke ameye viraştene de wesayîtê zirxinî yê tîpê Kobra xesar dî, 5 leşkerî ameyî kiştene û 4 leşkerî zî birîndar bîyî. Çalakîye ra dima hêzanê dişmenî bi paştdayîşê teyareyanê keşîfî merde û birîndarî xo herême ra vetî. Netîceyê na çalakîya serkewte de hêzanê ma zirarêk nêdîyo.

Metîna û Garê de Hêrişê Hewayî

Teyareyanê şerî yê artêşa Tirkî hêrişê Wareyê Pawitişî yê Medya kerd. 30’ê Nîsane de saetanê nîmrojî de Qilê Colemêrgî yê Metîna û saetanê şanî de zî herêma Giravî ya Garê ameyî bombardûmankerdene. Hêrişan de vîndîbîyayeyê ma çîn ê.‘‘