Çalakîya nobete ya Şingalî 38 rojî yo berdewam a
Xoverdayîşê şarê Şingalî yê seba wayîrvejîyayîşê Asayîşê Êzidxanî û vera peymana Bexdad-Hewlêrî ya serê Şingalî bi şîarê ''Ma pêro Asayîş ê'' roja 38. de dewam keno.
Roniştoxê Şingalî vera peymana PDK-Iraqî ya serê Şingalî pîya wayîrê Asayîşê Êzidxanî û hêzanê xo yê pawitişî vejîyenê ke peymane 9ê teşrîna verêne ya 2020î de ameye îlankerdene.
Şingalijî 38 rojan ra nata verê Asayîşê Êzidxanî de xeyme de bi şîarê 'Ma pêro asayîş ê' çalakîya nobete kenê.
Qeza û bajarekanê Şingalî ra her roje xeylêk kesî û temsîlkarê meclîs û dezgehê Şingalî xeyma çalakîye zîyaret kenê û tewrê çalakîye benê.
Şarê Şingalî wazeno ke Asayîşê Êzidxanî û xoserîya Şingalî bi hawayêkê fermî bişinasîyê.
Dezgehê Keyeyanê Şehîdan ra Xidir Hemoyî Rojnewsî rê qisey kerd û da zanayene ke asayîş îradeyê Şingalî paweno coka ganî êzidîyî wayîrê ci vejîyê.
