Roniştoxê Şingalî vera peymana PDK-Iraqî ya serê Şingalî pîya wayîrê Asayîşê Êzidxanî û hêzanê xo yê pawitişî vejîyenê ke peymane 9ê teşrîna verêne ya 2020î de ameye îlankerdene.

Şingalijî 40 rojan ra nata verê Asayîşê Êzidxanî de xeyme de bi şîarê 'Ma pêro asayîş ê' çalakîya nobete kenê.

Qeza û bajarekanê Şingalî ra her roje xeylêk kesî û temsîlkarê meclîs û dezgehê Şingalî xeyma çalakîye zîyaret kenê û tewrê çalakîye benê. Şarê Şingalî wazeno ke Asayîşê Êzidxanî û xoserîya Şingalî bi hawayêkê fermî bişinasîyê.

Endama Meclîsê Cinîyan Emîne Hecî bale ante girîngîya asayîşî ser û vat: ''Têna ma dadîyî bimanê zî ma do seba xoserîya Şingalî û îradeyê xo verê na xeyma rûmetî de xo ver bidê.''