Roniştoxê Şingalî vera peymana PDK-Iraqî ya serê Şingalî pîya wayîrê Asayîşê Êzidxanî û hêzanê xo yê pawitişî vejîyenê. Şingalijî 19 rojan ra nata verê Asayîşê Êzidxanî de xeyme de çalakîya nobete kenê.

Çalakîye  bi şîarê 'Ma pêro asayîş ê' dîyaye destpêkerdene. Şarê Şingalî kome bi kome tewrê çalakîye beno.  Qeza û bajarekanê Şingalî ra her roje xeylêk kesî xeyma çalakîye zîyaret kenê.

Çalakîkerî binê xeyme de heta serê sibayî nobete gênê. Çalakîye bi zîyaretanê şarê herême dewam keno.

Endamê Partîya Azadî û Demokrasî ya Êzidîyan (PADÊ) Heyder Şengalîyî derheqê çalakîye de Rojnewsî rê qisey kerd û vat: ''Asayîşê ma estbîyayîş û rûmetê Êzidxanî yo. Ma şarî ra wazenê ke vera peymana Şingalî zêdêr tewirê xo bimojno.''